Proc. 1017: State of National EMERGENCY!

Last week lang, ay binawi na ni Pangulong GMA ang Proc.1017 o ang State of National Emergency. Pero sa totoo lang, hindi naganap ang mga inaasahan ko na dapat maganap sa proclamation na iyon ng pangulo.
Kaya ngayon, iisa-isahin ko ang mga inaasahan ko na mangyari dapat sa diskarte na iyon ng pangulo. Sayang naman kung sasarilinin ko lang ito, di ba? Kaya share ko naman sa inyo.
1. Sa State of National Emergency, itatake over ng gobyerno ang mga private at public corporation at establishment at bababa panandalian si GMA bilang pangulo at si ARNOLD CLAVIO muna ang papalit bilang presidente sa panahon ng National EMEGENCY!
2. Lahat ng Riot Police sa mendiola ay magleleave of absence muna dahil papalitan sila ng mga PARAMEDIC at RESCUE WORKERS upang bantayan ang mga nahihimatay at nasasaktan sa mga rally dahil sa National EMERGENCY!
3. Lahat ng armored van at mga tanke ng gobyerno na nagbabantay sa palasyo ng Malankanyang ay papalitan ng mga AMBULANSYA upang makaresponde kaagad sa mga sakuna na dulot ng National EMERGENCY!
4. Lahat ng doctor ay papapasukin ng 24 hours sa lahat ng Hospital upang tumao at mag-abang sa mga sugatan dulot ng National EMEGENCY!
5. Lahat ng mga botika ay bubuksan ng magdamagan upang mapagbilhan ng gamot ang mga taong nangangailangan dahil sa National EMERGENCY!
6. Lahat ng Fire Truck ay pupunuin ng tubig at iikot sa buong National Capital Region habang nagsisirena ng beinte-kwatro oras para mapaghandaan ang mga pangyayari sa National EMERGENCY!
7. Dahil magkamukha naman si Susan Enriquez at si GMA, gagawin muna syang spokeperson ng palasyo habang sumisigaw ng "kay SUSAN tayo" bunga na rin ng National EMERGENCY!
8. Lahat ng Bumbero ay ipapakalat sa buong Pilipinas para mag-ayos ng mga sirang gripo sa mga kabahayan, ito ay Serbisyo Publiko nila sa National EMERGENCY!
9. Bibili ng Game na "RED ALERT" ang lahat ng GENERALS sa buong Pilipinas at inenetwork nila ang lahat ng computer sa mga kampo ng sundalo para makapaglaro sila ng sabay-sabay, ito ang benipisyong makukuha nila sa National Emergengy!
10. Maiisip ni PGMA na mas maganda kung wala na sya sa Malakanyang kaya bababa muna sya sa pwesto at makikipagpalit kay ARNOLD CLAVIO upang maging host ng EMERGENCY! Ang saya noh!
Sana mabasa ito ni PGMA para malaman nya na mali pala ang mga naging diskarte nya sa nakaraang Proclamation nya ng 1017 o State at National Emergency at muli syang humarap sa publiko at banggitin ang wala niyang kamatayang mga katagang "I am sorry".