Ano ang gagawin mo kapag nanalo ka sa lotto?

(originally made and posted at friendsterblog on february 20, 2006)
Tanong: Ano ang gagawin mo pagnanalo ka sa Lotto?
Mga possible na sagot:
"...magmimigrate ako sa America tapos yung matitira sa pera ko ipangbi-business ko ng Halo-Halo o kaya magtatayo ako ng training Center na ang name is "How to shout "BALUT" effectively: A marketing strategy for an American Balut Vendor"..."
"......babalatuan ko yung nanay ko, tatay ko, kuya ko, ate ko, girlfriend/boyfriend ko, auntie ko, uncle ko, kapitbahay ko, kaibigan ko, kamag-anak ko, hanggang maubos ang pera ko."
"...ah...um, kasi...mag-aaral ako ng lahat ng kursong gusto ko, hanggang tumanda na ako."
"...alam mo, you know, gagamitin ko yung pera sa pangangampanya ko, kasi balak ko na lumaban ng Barangay Kagawad sa lugar namin sa sususnod na halalan."
"...magbibigay ako sa mga orphanage, sa mahihirap, sa mga naghihirap, sa mga naulila, sa mga taong grasa, sa mga pulibi para pantay-pantay na kami."
"...balak ko kasi, yung 50% gagamitin ko sa business, baka gumawa ako ng tinapa factory, yung kalahati balak kong ilagay sa bangko na balak ko rin itayo."
"....utang ko ang panalo ko sa Lotto, kaya ang gagawin ko sa pera na pinanaluhan ko ay magpapagawa ako ng Lotto outlet sa lahat ng barangay sa buong Pilipinas. May business na ako, nailapit ko pa ang swerti sa mga tao, hehe!"
"....simple lang po, ipapagawa ko yung bahay namin, ipapa-up and down ko po, tapos lalagyan ko po ng swimming pool sa loob para sa pamilya ko, papalagyan ko po ng veranda, ipapa-shower ko po yung banyo namin, papalagyan ko po ng jet-matic para my tubig po, gagawa po ako ng mini-bar sa loob ng kwarto ko, simple lang po."
".....pupunta ako kay bello o kay calayan, balak ko kasi magpa-nose lift, magpapalaser ako ng mukha, hanggang maging kamukha ko na po si Richard Gutierrez/Angel Locsin."
"...magtatayo po ako ng security agency bilang business, para sa ikakabubuhay ng pamilya ko at sa buhay na rin namin. Mahirap na baka makidnap pa kami."
Ako po personally, aaminin ko na. Nanalo po ako ng Lotto last, last week. Ep!Ep! Huwag muna makikibalato. Nanalo po yung tatlong numbers sa anim na numbers na tinayaan ko, kaya ang ginawa ko.....
BALIK-TAYA!

Si Edgar, ang Pizza at ang EDSA.

(originally made and posted at friendsterblog on february 19, 2006)
OK, balik trabaho na naman, lunes, gaya ng dati...tinatamad. 5:30 pa lang ng umaga kaharap na ang Playstation, cge pindot ng pindot kasi maganda itong bago kong nilalaro, Persona 2.
Alas-dyes na, ayaw pang umalis tinatamad o ano na naman ang palusot, teka di ba holiday ngayon? EDSA day o People Power 1 day(yak!nakakasuya, parang Star Wars, may trilogy at part pa, wakeke!)ba ngayon? Tinanong ko yung pinsan ko si EDZEl kung may pasok sila, sabi nya wala daw, tanong ko bakit wala silang pasok, sabi nya hindi nya din daw alam....err.......
OK, ligo muna....ako kasi mas gusto ko ang may pasok. Pag may pasok, may sweldo. No work, no pay kasi sa kapitolyo, pero kahit walang ginagawa ang mga empleyado dito, may SWELDO pa rin, kuha mo!?
As usual, 10am na ako umalis kaya pagdating ko ng Tarlac, lunch time na. Gusto ko yata ng pizza, yung maraming cheeze tapos maraming red bell pepper.
San ba masarap kumain ng Pizza? Good question, at sa daming pagpipilian, parang ayaw ko ng kumain. Kaya ang bagsak natin sa internet cafe ulit, soundtrip na lang.
Narinig mo na ba yung bagong kanta ni Edgar? Oo, Parokya ni Edgar, title ng song is "Para Sa'yo". Ep!Ep! Hindi yan yung kanta ni Manny Pacquiao, same title, pero magka-iba. Dont worry, di yan ang pinakikinggan ko ngayon, yung Pizza Pie ni Edgar.
Pagkalipas kasi ng dalawang Dekada ng EDSA I(power grabbing, este!People Power pala), hindi na umunlad ang buhay ng tao(actually, dito lang yata sa pinas). Kaya eto, imbes na kumakain ako ng Pizza sa 20th anniv ng EDSA, nakikinig na lang ako sa kanta ni Edgar na Pizza Pie!
Holiday ba ngayon? Ang dali talagang makalimot ng Pinoy! Hay! Buhay!
.....patingin-tingin di naman makabili, patingin-tingin, di makakain ng pizza"
Labo..................

Internet, Office, Playstation..........ang buhay ng tinatamad!

(originally made and posted at friendsterblog on febryary 16, 1006)
10:30 ng umaga, paalis ng bahay pagkatapos magplaystation. Makakarating ng office mga 11:15 tapos uupo kasi pagod sa paglalakad paakyat ng Kapitolyo. Magpapahinga, magpapahinga, magpapahinga.........tapos kakain na naman ng lunch. Pagkatapos ng tatlong pastillas at isang Marlboro lights, surfing naman...sa loob ng shop. Internet cge, E-mail, friendster, tristancafe(sounds), eraserheads email-list, nba.com, manny pacquiao, bangbus!? Kwenta ng pera, kung kaya pa ng oras, cge gunbound naman, pagmasakit na ang mata, titigil at babalik sa office. Uupo, magpapahinga, magpapahinga, magpapahinga at tapos bababa para bumili ng dalawang nilagang mais. Babalik sa office, magbabasa, maghihintay ng text, maghihintay ng tao na magsosolicit, maghihintay ng letter. IIglip, yuyuko, maghihilik...............................................................
...4:30 na pala, tara uwi na tayo, masarap ang ulam sa bahay at maglalaro pa ako ng Persona 2, di ko pa kasi natatapos eh!

Trabahong hindi trabaho

(originally made and posted at friendsterblog on february 15, 2006)
Eto, katatapos na naman gumawa ng payroll list, actually sawa na ako sa ganitong scenario, hindi ako sawa na magseldo, sawa ako sa ginagawa ko. Gusto ko ng maggrow, magtry ng mga bagay na hindi ko pa nagagawa at matuto ng mga bagong bagay. HIrap sa ganitong trabaho, marami ang inggitan at bolahan, asaran na walang katuturan , sabagay lahat naman yata ng trabaho ganito. Kung janitor kaya ako may ma-iinggit pa sa akin o kaya may magploplot pa kaya ng masama sa akin? Sana wala naman na, hindi ko rin masabi, baka ako nga lang ang may problema, baka sarili ko lang nga kawaay ko, letche kasing horoscope yan eh, ang laki ng epekto pagnabasa mo, napapa-isip ka tuloy, letche makapag-gunbound na nga lang!

In the begining......... (originally made and posted: Thursday, 29 December, 2005 ) This is it, it's time for my star to shine. I've been doing things for the benefit of others for almost 2-3 years from now and i guess it's time to give my self a break and to relax and not to pretend. I am Jason T. Asuncion, a goverment employee at 24 and having a cute daugther. I am a boring (kasi wala daw kwenta minsan mga sinasabi ko), stupid (kasi lagi na lang ako na uuto o nagagamit, pero di naman na acknowledge sa mga ginagawa ko), trying-hard (kasi lahat na lang sinusubukan ko, at nagpipilit akong gumawa ng mga bagay na ayaw o hindi ginagawa ng ibanag tao), lazy and fat guy(wala ng paliwanag para dun!). Born with many talents (blog ko ito na wag nyo ako pigilan!).I can play the keyboards, i can write poems(actually tula kasi kadalasan mga tagalog ang language na ginagamit ko),i do paintings (soon to be published here, papa-scan ko pa lang). i can write short stories and one-act scene play, i can act(i've been a member of taga-clsu, a premier students acting guild at Central Luzon State University which means Tanghalang Gagalaw-CLSU, lufet nyan!)my former Director at TAGA-CLSU is Sir Delfin Ilao(he's at ABS-CBN right now! co-directed or written the script of that tele-drama by nora aunor, ano na nga ba yun?), he said i have talents!, but i decided to quit TAGA because of artistic differences(hehehehe!), became member also of Gintong Ani, whose finest play is the Tagalog version of Romeo and Juliet(i am the kabayo of Romeo, hehehe! actually alternate of Romeo but did'nt became a reality kasi di sya nagkasakit, sayang!hehehe! kaya i played some side roles at that play), became a student leader(CFY days at CLSU), right now member of FPOP National Council(Family Planning Organization of the Philippines, we give free condoms!joke!) at marami pang iba na hindi at ayaw mo ng mabasa at maisip. In short, i am all in one that you don't actually needed. So, what is this English Karabaw any way, my personal blog site at kaya english karabaw ang title because isa akong tao na trying-hard mag-english pero tunog at pagbinasa mo naman eh tunog kalabaw! Sa modern language ang tawag nila ay Taglish, pero mas mababa ang uri ko sa kategori na yun kaya English Karabaw. Pero isa lang ang gusto kong ipahatid kung bakit may Ka-blog site na English Karabaw. Eh, ano kung hindi ka magaling mag-english, eh ano kung lagi kang wrong grammar at wrong spelling, what the heck, i still have the right to write and say things about anything because that is my opinion as long na hindi ako nakakasakit at nakakasira ng damdamin at pagkatatao ng ibang tao. Asahan nyo na po ang mga personal na opinion ko sa blog na ito, mga likha kong tula at kwento, pati mga paintings ko ay i-publish ko dito at walang hanggang english-tagalog scenario at wrong grammar at wrong spelling. Magandang basahin ito kapag mahilig kayo sa taong may pagka-abnoy, weird, trying-hard, stupid o gusto nyo lang ng guinie pig para sa bago nyong na-reasearch na gamot para sa mga mentally challenge. Marami pong salamat sa abala at mabuhay! Leche!